Сообраќајна несреќа вечерва се случи кај Стара Рампа во Скопје, на улица каде во моментов се изведуваат градежни работи и важи изменет режим на сообраќај.
Според првичните информации од терен, несреќата се случила околу 20:30 часот, а во судирот учествувале автомобил и мотор.
Очевидци велат дека делот каде се случила сообраќајката бил слабо осветлен, а на самата улица немало доволно јасно поставени сообраќајни знаци и ознаки за семафорите, како и за тоа кој има предност во движењето.
Поради градежните активности, сообраќајот во овој дел од градот веќе подолг период се одвива отежнато, а граѓаните повеќепати реагираа за недоволна сигнализација и небезбедни услови за движење, особено во вечерните часови.
Засега нема официјални информации дали во несреќата има повредени лица, ниту колкава е материјалната штета. На местото на настанот се очекува увид од надлежните служби, по што треба да бидат познати повеќе детали за причините и околностите под кои дошло до судирот.
