Водителката на РТВ Зеница, Алма Хускиќ, е пронајдена мртва во својот стан во Зеница, пренесуваат регионалните медиуми.
Нејзиното безживотно тело било откриено во станот, по што на местото на настанот веднаш интервенирале полициски екипи и извршиле увид.
Од надлежните институции информираат дека е започната истрага со цел да се утврдат сите околности поврзани со случајот и причините за смртта.
Портпаролката на полицијата, Лејла Екиновиќ, соопшти дека на местото бил пронајдено тело на жена со иницијали Х.А., родена 1978 година, а увидот го спровеле припадници на криминалистичката полиција.
По завршување на сите истражни дејствија и дополнителните проверки, се очекува институциите да излезат со повеќе информации, вклучително и точната причина за смртта.
Засега, официјални детали за причините не се соопштени.
