Роднини, пријатели и јавноста се молат за здравјето на познатиот новинар, водител и активист Рамуш Муарам, кој според информациите моментално се наоѓа во тешка здравствена состојба.
Како што објавија од Рома прес, популарниот Цирко е во кома и се бори за живот.
По оваа вест, на социјалните мрежи се огласи и Даниел Петровски, кој со емотивна порака се обрати до својот пријател, кого го опишува како учител, ментор и голема поддршка во животот.
Во својата објава, Петровски ја изразува болката и стравот од можноста да го загуби близок човек, истакнувајќи дека Муарам за него бил повеќе од колега – пријател, советник и инспирација. Тој упатува и силна порака на надеж, повикувајќи го да се избори и повторно да се врати меѓу луѓето што го сакаат.
Петровски дополнително нагласува дека Муарам поседувал исклучителен талент и интелигенција, истакнувајќи дека бил активен во повеќе области – како новинар, актер, сценарист, режисер и познавач на ромската култура.
Неговата објава предизвика бројни реакции и поддршка на социјалните мрежи, каде многумина испраќаат пораки со надеж за негово закрепнување.
