Такси возило вечерва излетало од коловозот и удрило во заштитната ограда на мостот на булеварот „Србија“, во непосредна близина на хотелот „Хилтон“ во Скопје.
Според првичните информации, возилото од засега непознати причини ја изгубило контролата, по што завршило во оградата на мостот. Причините за несреќата засега не се познати и ќе бидат предмет на истрага.
На местото на настанот пристигнале полициски екипи кои вршат увид и го регулираат сообраќајот, додека околностите под кои дошло до незгодата дополнително ќе се утврдуваат.
Во моментов нема официјални информации дали во несреќата има повредени лица, ниту колкава е материјалната штета на возилото и заштитната ограда.
Се очекува повеќе детали за случајот да бидат соопштени по завршувањето на увидот од надлежните служби.
