Македонија денес се наоѓа под влијание на стабилна, но исклучително ветровита воздушна маса која ќе донесе променлива облачност и сончеви периоди, но и сериозно засилување на северот.
Метеоролозите веќе издадоа официјално предупредување за силен северен ветер кој долж Повардарието ќе профучи со брзина од над 50 km/h.
Дневните температури сепак ќе останат релативно пријатни и ќе се движат во интервал од 20 до 28 степени, додека во Скопје максималната ќе достигне до 26 степени, проследена со повремено засилен ветер во делови од котлината.
Ова претставува само краткотрајно затишје пред вистински метеоролошки колапс, бидејќи веќе од утре, петок, започнува брутален бран на нестабилност кој целосно ќе го расипе празничниот продолжен викенд.
Синоптичарите најавуваат поројни дождови, силни електрични празнења и олуен ветер кој ќе надмине брзина од 60 km/h.
На повеќе места низ земјава процесите ќе ескалираат во силно локално невреме со пообилни врнежи од над 20 литри на метар квадратен, поради што се апелира до граѓаните кои планираат патување или какви било активности на отворено да бидат крајно претпазливи и навреме да ги обезбедат своите домови.
