Унгарскиот политичар Петер Маѓар упати остри критики кон одлуката на владата предводена од Виктор Орбан да им додели азил на полските политичари Збигњев Жиобро и Марцин Романовски, кои се соочуваат со обвиненија за злоупотреба на службената положба.
Маѓар потсети и на случајот со Никола Груевски, кој доби азил во Унгарија, оценувајќи дека ваквите одлуки испраќаат погрешна порака.
Тој нагласи дека Унгарија не треба да биде засолниште за лица кои се соочуваат со сериозни обвиненија и повика на почитување на европските принципи на соработка, особено кога станува збор за екстрадиција на осомничени.
Во својата изјава, Маѓар посочи дека доколку споменатите политичари немаат што да кријат, треба да се вратат во својата земја и да се соочат со правосудниот систем.
Тој додаде дека, доколку е можно, ќе се преземат чекори за нивна екстрадиција во Полска и Македонија во согласност со европските механизми за правна соработка.
