На 46-годишна возраст ненадејно почина Елвис Мекиќ, брат на познатиот македонски пејач и текстописец Елвир Мекиќ.
Веста за неговата смрт предизвика тага кај семејството, блиските и пријателите.
Веста ја сподели пејачот Јоце Панов преку емотивна порака.
„Зошто бе Еки, зошто бе братче, зошто замина толку рано, толку млад и полн со живот, зошто бе брат????“, стои во објавата.
Во потресното простување се опишуваат годините исполнети со дружење, смеа и заедничко пеење.
„Со кого ќе се смеам и кој ќе ми пее терци сега?“
Авторот на пораката додава дека спомените од заедничките моменти засекогаш ќе останат, а песните што најмногу ги сакал починатиот ќе продолжат да се пеат во негова чест.
„Јас ќе те паметам насмеан, и ќе ги пеам за тебе песните што најмногу ги сакаше и секогаш ги пеевме заедно. Збогум ЕКИ.“
Елвис беше брат на Елвир Мекиќ, едно од препознатливите имиња на македонската поп-сцена, особено во текот на 2000-тите години.
Елвир својата музичка кариера ја започна уште како тинејџер, а пошироката публика го препознава по повеќе песни кои оставија белег на домашната музичка сцена, меѓу кои „Опасно“, „Уште те има“, „Некаде после два“ и „Армија“.
Во текот на кариерата соработуваше со бројни музичари од Македонија и регионот, а меѓу најзначајните е неговата долгогодишна соработка со композиторот и продуцент Јован Јованов.
По подолга пауза од македонската музичка сцена, Мекиќ повторно се активираше со нови песни и настапи.
