Централна Македонија вечерва е зафатена од облачна и нестабилна воздушна маса, која на повеќе места носи пороен дожд и засилен ветер.
Според моменталната состојба, облачната маса се движи од запад кон исток, а во наредниот период се очекува локално појава на поинтензивни врнежи, силни налети на ветер и краткотрајни временски непогоди.
На одделни места можна е појава на пороен дожд со поголема количина врнежи за краток временски период, што може да доведе до намалена видливост, отежнато движење и задржување на вода на одредени делови од патиштата.
Се препорачува зголемено внимание во подрачјата каде што ќе има појава на пороен дожд и силни налети на ветер. Возачите да бидат внимателни и да ја прилагодат брзината според условите на патот, а граѓаните да избегнуваат престој на отворено на места каде што постои можност од паѓање на гранки или нестабилни предмети.
Надлежните служби ја следат состојбата, а граѓаните се повикуваат на внимателност во текот на вечерните часови.
