Младата наставничка од Скадар, Мигена Салихи, почина само неколку дена откако стана мајка на близначки, по сериозни здравствени компликации.
И покрај итниот апел за дарување крв и брзата реакција на граѓаните, лекарите не успеале да ѝ го спасат животот. Нејзината состојба нагло се влошила веднаш по породувањето, поради што било неопходно итно да се обезбеди крв од групата 0 негативна.
Мигена пред неколку дена за првпат станала мајка на две девојчиња, но трагично не успеа да ужива во најубавите моменти од мајчинството.
Пред четири години се свршила со својот партнер Ноел, со кого започнале да градат заеднички живот. Таа дипломирала како наставник по географија на Универзитетот во Скадар и работела како наставничка, оставајќи силен впечаток во заедницата.
Нејзината смрт предизвика шок и тага кај граѓаните. Активистот Мирсад Баша во емотивна објава напиша дека градот изгубил една од најенергичните и најпосветени девојки, личност која била пример во општеството и силно поврзана со семејството.
И покрај мобилизацијата на десетици граѓани кои се одзвале на апелот и напорите на медицинскиот тим, за младата наставничка немало спас.
