Руските власти се подготвуваат да го откажат гласањето на претстојните претседателски избори во руските конзулати лоцирани во „непријателските“ земји, изјави за весникот „Ведомости“ извор од дипломатските кругови.
Тој извор појасни дека можеби не станува збор за сите земји кои се вклучени во соодветната владина листа, која брои 49 држави, туку за значителен дел од нив. Сепак, конечна одлука сѐ уште не е донесена и властите ги продолжуваат консултациите, кои треба да завршат во јануари, додаде извор близок до МНР.
Македонија е една од земјите што се наоѓа на листата „непријателски“ одредена од Москва. Не само што е членка на НАТО, туку и затоа што најостро ја осуди руската агресија и ја помагаше Украина со оружје онолку колку што може. Русија ја стави Македонија на листата „непријателски“ земји на 7 март 2022, две недели од почетокот на инвазијата.
Бонус видео – Не е среќен оној кој многу има, туку оној на кој малку му треба