ГФК Тиквеш денес одржа состанок на акционерското друштво и донесени се повеќе одлуки.
Се менува целосниот стручен штаб на тимот на чело со тренерот Борче Христов. Освен него, заминуваат асистентите Трајче Стојковски, Ванче Шиков и Баже Левков. Исто така, раскината е соработката и со спортскиот директор Љупчо Трајковски. Според најавите од Кавадарци, водењето на клубот ќе го преземе ко-сопственикот Браво до крајот на сезоната.
„По одржување на денешниот состанок на Акционерското друштво на ГфК Тиквеш,се донесоа следните одлуки:
Се раскинува договорот со шефот на стручниот штаб, Борче Христов.
Се раскинуваат договорите со асистентите тренери: Трајче Стојковски, Ванче Шиков и Баже Левков.
Се раскинува договорот со спортскиот директор, Љупчо Трајковски.
Од утре, целокупното раководење со клубот ќе го преземе ко- сопственикот Цезер Браво, кој ќе раководи со клубот до крајот на актуелната сезона.
Клубот и понатаму ќе продолжи да функционира чесно, професионално и во интерес на сите љубители и поддржувачи на ГФК Тиквеш, со јасна цел — стабилност и напредок до крајот на сезоната.
Клубот им се заблагодарува на шефот на стручниот штаб, неговите асистенти, како и на Спортскиот Директор за нивниот ангажман и придонес во изминатиот период и им посакува многу успех во понатамошната кариера“, стои во соопштението на кавадарчани.
Сето ова дојде по кореографијата на навивачката група „Лозари“ која беше против раководството на ФФМ.
