Воен авион од типот „Херкулес Ц-130“, произведен во САД, учествувал во несреќа на југот на Колумбија, соопшти денеска Министерството за одбрана на земјата.
Според министерот за одбрана Педро Санчез, несреќата се случила при полетување од воена база во амазонскиот регион, во близина на границата со Перу.
Во авионот се превезувале припадници на колумбиските вооружени сили.
Засега не е познат точниот број на жртви, ниту причините за несреќата, а надлежните служби работат на утврдување на сите околности.
Според локалните медиуми, во леталото имало околу 110 војници. Исто така, се наведува дека авионот паднал на околу три километри од најблискиот урбан центар.
