Приоритет е обезбедување на безбедноста на граѓаните и нормализирање на состојбата во најкраток можен рок.
Во тек е расчистување на паднатите дрвја и гранки, отстранување на оштетените покривни конструкции, како и санирање на последиците предизвикани од силниот ветер и поројниот дожд.
По силното невреме што го зафати Делчево, екипи од Територијалната противпожарна единица, Јавното комунално претпријатие и останатите надлежни служби се на терен и интервенираат на најпогодените локации низ градот.
Од надлежните апелираат граѓаните да бидат внимателни, да не се приближуваат до оштетени дрвја, електрични водови и нестабилни објекти, како и да ги почитуваат упатствата на службите кои се на терен.
Видео: Делчево365
