Четиригодишниот Богдан, дете од Македонија, е пријавен за исчезнат во туристичкото место Алто Маре, во близина на Голем, Албанија.
Според информациите, семејството веднаш започнало потрага по детето, но засега нема никаква трага од него.
Исчезнувањето е пријавено и во полицијата во Голем, која презема активности за пронаоѓање на детето, но потрагата сè уште не дала резултати.
Во моментот кога исчезнал, Богдан бил облечен во зелени шорцеви за капење и во раката држел пластичен воден пиштол.
Неговата мајка Сања, според информациите, е во тешка емоционална состојба, а семејството упати апел до сите кои се наоѓаат во областа да обрнат внимание и да помогнат во потрагата.
Доколку некој го видел детето или има каква било информација што може да помогне во неговото пронаоѓање, се повикува веднаш да ја извести најблиската полициска служба.
Семејството апелира информацијата да се сподели што е можно побрзо, со надеж дека Богдан ќе биде пронајден безбедно.
