Поранешниот американски претседател Доналд Трамп објави дека Соединетите Американски Држави го заробиле венецуелскиот претседател Николас Мадуро по серија воздушни напади изведени утринава на територијата на Венецуела.
Трамп изјави дека операцијата била директно спроведена од САД, при што Мадуро бил приведен заедно со неговата сопруга и изнесен надвор од земјата.
„САД успешно изведоа голема воена операција против Венецуела. Нејзиниот лидер Николас Мадуро е заробен и веќе не се наоѓа во земјата. Операцијата беше реализирана во координација со американските служби за спроведување на законот. Повеќе детали ќе бидат соопштени на прес-конференција во Мар-а-Лаго“, изјави Трамп.
Венецуелските власти остро ги осудија нападите, оценувајќи ги како акт на агресија, и прогласија национална вонредна состојба. Според официјалните информации, покрај главниот град Каракас, воздушни удари биле регистрирани и во регионите Миранда, Арагва и Ла Гваира.
Очевидци сведочат дека експлозии и прелети на воени авиони во Каракас се слушале од околу два часот по локално време, а нападите траеле приближно час и половина.
