Дина Муцунска, генералниот менаџер на хотел Манастир каде што пред два дена изби пожар се огласи денес по повод оваа тема и притоа напиша:
-Драги пријатели, Со голема радост ви објавуваме дека од понеделник, 04.11.2024, продолжуваме да ве пречекуваме во нашата и ваша уникатна безвременска приказна хотел МАНАСТИР, Берово. Добредојдени сте да уживате во традиционалната понуда и срдечната услуга што го прави нашиот хотел ваше посебено доживување.
Иако на 27.10 вечерта имавме пожар во еден дел од хотелскиот комплекс Манастир – во дел од ресторанот каде е отворената скара – со радост можеме да ве известиме дека само помал дел од ресторанот е зафатен и пожарот е успешно локализиран благодарение на брзата реакција на колегите, пријателите и противпожарните служби.
Сите други делови од комплексот се во совршена функција – сместувачките капацитети, кујната, вториот дел од ресторанот, терасите, СПА-то, паркот…. и ве чекаат, подготвени да ви понудат гостопримство и високо квалитетна услуга по која сме препознатливи
Периодов ќе следи и санација на погодениот дел од ресторанот, за брзо враќање на неговиот автентичен амбиент.
Голема благодарност кон медиумите кои ни оддадоа внимание, а со тоа и големо уважување, а особено голема благодарност и почит кон противпожарните служби, најнапред до нашата ТППЕ Берово, а секако и до оние од Пехчево, Делчево, Виница, Кочани и Струмица, кои со голема пожртвуваност и професионалност овозможија нашиот хотел и натаму да биде ваша омилена дестинација за одмор, работа и уживање.
Ви благодариме и на вашата поддршка која деновиве не досегна во невидено огрооооомеееееен број , ние сме пресреќни луѓе штом ве имаме сите вас за пријатели и благодариме и за разбирањето што го покажавте деновиве, а и особено за вашата лојалност што ве прави и вас дел од приказната за “Манастир” која ќе живее и понатаму сведочејќи за сета оваа убавина на регионот на Берово и Малешевијата, но и посветеноста на моето семејство и моите колеги.Ве очекуваме од понеделник 04.11, направете ја вашата резервација на 070275322 и Info@hotelmanastir.com.mk