На два дена пред партискиот конгрес на кој СДСМ ќе треба да ги потврди пратеничките листи со 120 кандидати за сите шест изборни единици, во владејачката партија се уште не ги знаат ни носителите. Ниту лидерот Ковачевски не сака ги открие неговите фаворити со кои ќе ја бара довербата од граѓаните на 8 мај. Покрај неговото име што веќе е познато, како носител во Првата изборна единица, тој денеска ја потврди само Лукаревска како носител од редовите на СДСМ.
Според неофицијалните информации кои се пласираа до пред една недела како носител во втората единица се споменуваше токму Лукаревска, но последните денови за таму се споменува и името на Оливер Спасовски, кој инаку беше најавуван за Тројката. Во Четворката се очекува Венко Филипче, во Шестката Славјанка Петровска.
Носителите на ВМРО-ДПМНЕ: Мицкоски во Првата, Мисајловски во Втората, Ковачки во Третата, Николовски во Четвртата и Дафина Стојановска во Шестата ќе бидат потврдени пак, на партиски настан на 31 март. До тогаш партијата треба да го објави името и на носителот во Петтата изборна единица.
Денеска и од коалицијата на албанската опозиција објавени имињата на носителите, повторувајќи ги и условите за постизборно коалицирање за формирање на Влада.
За ДУИ веќе се шпекулираа имињата за Единицата – Талат Џафери или Блерим Беџети, за Двојката Арбер Адеми, за Шестката Али Ахмети. За петтата изборна едница ДУИ биле расположени носителот да го одреди Зијадин Села, но тој засега не де дел од коалцијата на интегративците.
