Група вооружени разбојници упадна во ресторан: Над 100 гости држени на нишан, едно лице тешко повредено – полицијата ги уапси
Вистинска драма се одвивала во ресторан во Крагуевац, кога група вооружени млади лица влегла во објектот и под закана со пиштол почнала да ги истерува гостите.
Според сведоци, агресивното однесување траело околу половина час, при што присутните биле видно исплашени и затечени од случувањата.
Во текот на инцидентот, едно момче било удрено со стаклено шише во главата и се здобило со тешки телесни повреди.
Настанот бил снимен од безбедносните камери во локалот, а снимките се предадени на полицијата за понатамошна постапка. Во моментот на инцидентот, во ресторанот имало повеќе од 100 гости.
Полицијата излегла на терен и привела три лица, осомничени за учество во нападот, против кои ќе следуваат соодветни пријави.
