Градоначалникот на Општина Бутел, Дарко Костовски, на социјалните мрежи сподели радосна семејна вест, откривајќи дека неговиот брат и снаата добиле тројка.
Во својата објава, Костовски напиша дека семејството станало побогато за двајца внуци и една внука, изразувајќи голема благодарност и восхит кон снаата за, како што наведува, нејзината храброст.
„Вечерва Господ ми подари три внучиња – двајца јунаци и една принцеза. Брат ми доби тројка, на снаата ѝ се поклонувам за храброста“, напиша Костовски.
Тој упати благодарност и до медицинскиот тим на Универзитетската клиника за гинекологија и акушерство во Скопје, предводен од д-р Весна Чибишева, за грижата и професионалноста при породувањето.
Објавата ја заврши со порака исполнета со вера и благодарност:
„Живи, здрави и со Господ! Христос е сè! Слава на Господ!“
Радосната вест предизвика бројни честитки и пораки со желби за здравје и среќа за новороденчињата и нивното семејство.
