Силно невреме во повеќе градови во Македонија.
Поројни врнежи од дожд, засилен ветер, грмежи и можна појава на суградица се очекуваат во следниот период во Битола, каде се приближува нестабилна временска зона.
Во меѓувреме, пороен дожд веќе е регистриран во делови од источна Македонија, особено во Кочани, Виница и поширокиот регион источно од Прилеп. Врне и во Берово и Пехчево.
Нестабилната воздушна маса носи нагла промена на временските услови по периодот на високи температури и сушно време, а локално се можни интензивни врнежи, грмежи и силни налети на ветер.
Надлежните апелираат граѓаните да бидат внимателни, особено во подрачјата каде што се очекуваат пообилни врнежи, поради можност од локални поплавувања, намалена видливост и отежнато движење во сообраќајот.
