Премиерот Христијан Мицкоски најави значително намалување на цените на горивата, посочувајќи дека бензинот би можел да поевтини за околу 15 денари, а дизелот за 25 денари по литар.
Во обраќање до јавноста, тој се извини што се јавува во предвечерието на Велигден, нагласувајќи дека сака навреме да ги информира граѓаните за најновите мерки.
Според него, Владата работела интензивно на изнаоѓање решение за намалување на цените на нафтените деривати, со цел да се олесни притисокот врз стандардот на граѓаните и бизнисите.
Во изминатиот период веќе беа преземени одредени мерки за намалување на цените, како намалување на акцизите и ДДВ, што доведе до постепено поевтинување на горивата.
Мицкоски истакна дека ваквите чекори се дел од поширока стратегија за стабилизација на економијата, особено во услови на глобални енергетски турбуленции.
Се очекува во наредниот период надлежните институции да дадат повеќе детали околу динамиката и начинот на спроведување на најавеното намалување.
