Не стивнуваат реакциите во јавноста по ненадејната смрт на 57-годишниот Сашо Наневски, познат меѓу пријателите и сограѓаните како Нанец. Тој беше еден од најпрепознатливите охриѓани и сопственик на првото модерно кафуле во градот, човек кој остави длабока трага во урбаниот живот на Охрид.
Од Наневски се простуваат бројни пријатели, познати личности и јавни фигури, кои преку социјалните мрежи споделуваат спомени и емотивни пораки. Меѓу нив е и познатата водителка Искра Канзурова, која со трогателни зборови се прости од својот долгогодишен пријател.
„Охрид го сакам не само поради неговите убавини, туку и поради неповторливите и уникатни луѓе кои живеат само таму. Нанец беше еден од нив. Го знам од дете. Беше фраер со големо Ф – не како денешниве фраери кои освен пари немаат што друго да понудат. Го сакав неговиот ум, широкоста, оригиналноста и длабочината. Секој разговор со него беше вистинска школа“, напиша Канзурова.
Таа додаде дека Наневски ќе недостига бескрајно, нагласувајќи дека Охрид нема да биде ист без него, а и сите што го познавале засекогаш ќе го чувствуваат неговото отсуство.
Ненадејното заминување на Сашо Наневски остави празнина кај многумина, а јавноста продолжува да се простува од човекот кој за многумина беше симбол на едно поинакво, автентично Охрид.
