Алкалоид АД Скопје со објава на социјалните мрежи:
Последен поздрав од колективот на АЛКАЛОИД АД Скопје за почитуваниот Проф. д-р Илија Џонов
Со голема тага се збогуваме со човекот чии придонес, мудрост и достоинствена посветеност оставија трага што ќе се памети.
Проф. д-р Илија Џонов (роден 24 ноември 1943 во Штип) — македонски невропсихијатар, редовен професор, поранешен директор на Клиниката за нервни и душевни болести во Скопје, декан на Медицинскиот факултет Скопје два мандата и поранешен директор на Клиничкиот центар Скопје. Добитник е на Наградата „13 Ноември“ на Град Скопје во 2010 година.
Проф. д-р Илија Џонов беше член на Надзорниот одбор на компанијата од 1998 до 2023 година.
Неговиот професионален ангажман, знаење и човечност ќе останат пример за сите нас.
Нека почива во мир.
Искрено сочувство до семејството.
