Страотни сцени. На социјалните мрежи веќе има и теории на заговор.
Дали несреќата е сосема случајна, некои одат да таму и велат дека зад тоа стои нешто многу поголемо.
Во игра се и големи пари…
35-годишниот крипто-бизнисмен Алексеј Долгих го загуби животот во ноќна сообраќајна несреќа на Меѓународниот автопат во Москва, објави ТАСС, повикувајќи се на полициски извори.
Според информациите, автомобил „Ламборџини“ удрил во столб на северниот дел од главниот град, по што се запалил.
Несреќата се случила во 1:23 часот по полноќ, на излезот од Меѓународниот кон Ленинградскиот автопат, соопшти Државниот сообраќаен инспекторат.
Возачот на „Ламборџини“-то, Алексеј Долгих, ја изгубил контролата врз возилото, поради што тоа се превртело и се запалило. Во несреќата загинале две лица — возачот и еден патник — додека уште двајца патници се повредени и се пренесени во болница.
Истрагата за околностите на несреќата ја презеде Обвинителството на Северниот административен округ на Москва, кое го надгледува процесот на утврдување на сите детали од инцидентот.
Нешто порано, главниот административен орган на Министерството за внатрешни работи за Санкт Петербург и Ленинградската област пријави уште една сериозна несреќа на автопатот М10 во Тосненскиот округ, кога возачот ја изгубил контролата врз возилото, се лизнал во канал и удрил во столб за осветлување — што дополнително укажува на опасноста во овој дел од сообраќајната мрежа.
