Новиот претседател на Собранието и член на коалицијата ВЛЕН, Африм Гаши, во интервју за „РТК“ зборувал за историјата на неговото семејство кое во 50-тите години на минатиот век се преселило од Качаник во Скопје.
Тој порачал дека Косово е негова татковина и дека ги следи процесите кај нашиот северен сосед.
„Во 50-тите години на минатиот век дедо ми работеше во Скопје, а поради техничките причини на тогашниот отежнат превоз купил мал дом во центарот на Скопје и семејството го однел овде, но по земјотресот се вратиле во родниот град. ЗА кратко време, потоа се вратија во Скопје и оттогаш дедо ми, вујковците и тетките живеат во Скопје. Јас сум роден во Скопје, а моите двајца братучеди продолжија да живеат во Качаник“, рекол Гаши.
Според неговите зборови, „луѓето родени по деведесеттите не можат го разберат ова, но за мене Косово е мојата татковина, местото каде се родени моите родители и сочувствувам со се што се случува во Косово“.
„Нема ниту еден процес, политички, економски или општествен што не го следам таму и го следам со многу внимание, како да сум оттаму“, рекол Гаши.
