Српскиот претседател Александар Вучиќ изјави дека ќе ја разгледа можноста за учество на самитот на БРИКС во Казан, Русија во октомври оваа година.
Економскиот сојуз БРИКС го сочинуваат: Бразил, Русија, Индија, Кина и Јужноафриканската Република, додека Србија е кандидат за членство во Европската унија.
Сепак, претседателот Вучиќ претходно изјави дека Србија во иднина може да се соочи со избор меѓу Европската унија и БРИКС.
Русија претседава со БРИКС во 2024 година. Програмата на нејзиното претседавање вклучува повеќе од 200 различни настани, од кои централниот е самитот на лидерите на БРИКС во Казан во октомври.
