Убедена сум дека она што го предвидовме за наредниот мандат во комбинација со она што го сработевме во претходниот, во исклучително тешки околности, ќе биде избор на граѓаните на 8 мај.
Граѓаните знаат дека СДСМ е опција за безбедна, сигурна и предвидлива иднина!
МојДДВ ,која ја воведовме пред речиси 5 години, е уште еден ефикасен механизам за заштита на домашната економија и на државниот буџет, но и мерка преку која вративме близу 150 милиони евра во семејниот буџет на граѓаните. МојДДВ продолжува .
Во 2025 година максималниот износ на поврат ќе го зголемиме на 2.400 денари, во 2027 на 2.700 денари, а на крајот на мандатот во 2028 година тој ќе изнесува 3.000 денари во едно тромесечие.
Успешните економски политики на Владата предводена од СДСМ нè охрабрија преку оваа мерка и понатаму да ги враќаме парите назад кај граѓаните .
Во програмата предвидуваме и низа мерки со кои сакаме да испратиме порака до младите дека СДСМ мисли и се потпира на нив.
Со гордост го најавуваме проектот „Грижа за младите“ кој подразбира:
-по 200 евра во првите 12 месеци за секое прво вработување на лица до 26 години и
-Станови за млади брачни парови до 29 години во чија откупна цена, дел од сумата ќе биде субвенционирана од Владата.
Зацртавме и изградба на нови социјални згради во Штип и во Прилеп.
Поддршка на македонското земјоделство , капитални инвестиции, развој на туризмот, унапредување на спортот, се само дел пд реформите во “Програмата за европска иднина”.
Преку сојуз со граѓаните до просперитетно, напредно, модерно и 🇪🇺општество.
Заедно, затоа што нема откажување од иднината.
