Веста која кај сите предизвикува среќа и радост. Жена роди четири машки дечиња, на големиот празник Свети Василиј Велики.
Женаата која го направи овој херојски подвиг е од од Бања Лука, а нејзиното породување се случило во Словенија.
Според порталот Независне новине, мајката денеска родила четири машки деца, а сите бебиња и мајката се добро, пренесува истиот медиум.
– Бидејќи ситуацијата е многу специфична и бременоста е постигната по природен пат, мајката ја водеше бременоста во Љубљана под будното око на повеќе лекари. За среќа, се помина во најдобар ред и таа денеска се породи со: Матеј, Марко, Лука и Јован, вели извор од болницата за порталот.
Тој додава дека оваа млада брачна двојка имале уште едно момче Константин пред да се случи ова чудо и да добијат уште четири момчиња.
– Денеска е Свети Василиј Велики и на овој прекрасен ден дојде голема среќа на семејството, но и на Бања Лука, која прими четворки – додава соговорникот.
На родителите им честитаме, а на бебињата им посакуваме здравје, среќа и безгрижно детство.