Пронајдено е телото на 19-годишниот студент Ѓорѓе Јанковиќ од Крагуевац, кој исчезна пред речиси три недели.
Телото било лоцирано на околу 200 метри од Палатата на правдата, каде што утринава започна новата потрага. За жал, потрагата заврши трагично.
Во неа учествуваа семејството, пријателите и бројни граѓани кои сакале да помогнат.
Полицијата веднаш пристигнала на местото и извршила увид.
Телото на Ѓорѓе ќе биде испратено на обдукција за да се утврди точната причина за смртта.
Овој настан ја потресе јавноста, која со денови ја следеше потрагата со надеж за поинаков исход.
Многумина изразија сочувство и поддршка до семејството на младиот студент.
