Голема трагедија на празникот Богородица, 28-ми август…
Во сообраќајна несреќа што се случи денеска во село Облешево, општина Чешиново-Облешево, загина возач откако неговото возило излетало од коловозот.
Несреќата е пријавена во 09:43 часот во СВР Штип.
Според информациите од Министерството за внатрешни работи, возилото „мерцедес“ со кочански регистарски ознаки излетало од патот, а возачот бил пронајден починат на местото на настанот. Лекар од Итна медицинска помош констатирал смрт.
Во моментов се врши увид на местото на несреќата и се преземаат мерки за утврдување на идентитетот на починатиот.
