Сообраќајна несреќа се случила вчера околу 12:50 часот на главниот пат во општина Лепосавиќ, на северот од Косово.
Во несреќата учествувале две патнички возила – едно со регистарски ознаки од Македонија и едно со косовски таблички.
Според официјалните информации од полицијата, во судирот се повредени двајца државјани на Северна Македонија, возачот и една сопатничка од возилото со македонски регистарски ознаки.
Тие се пренесени на лекарски преглед и им е укажана медицинска помош.
Надлежните полициски служби извршиле увид на местото на настанот, а причините за несреќата се предмет на понатамошна истрага.
