Украинскиот претседател Володимир Зеленски ја напушти Белата куќа по средбата со Доналд Трамп.
Претходно планираната заедничка прес-конференција меѓу двајцата лидери е откажана.
Извор од Белата куќа потврди за Ројтерс дека украинскиот претседател Володимир Зеленски предвреме ја напушта Белата куќа.
Информацијата доаѓа по жестоката расправија меѓу Трамп и Зеленски пред новинарите во Овалната соба.
Трамп на својата социјална мрежа „Вистина“ напиша дека Зеленски „ги навреди Соединетите Американски Држави во нивната ценета Овална соба“.
„Може да се врати кога ќе биде подготвен за мир“, заклучува тој.
