МВР излезе со прв официјален извештај, во врска со сообраќајната несреќа која ја потресе цела држава.
Денес (31.07) во 15:45 часот, во Полициската станица Тетово, пријавено е дека на автопатот Тетово-Скопје на раскрсницата „север“, се случила сообраќајна незгода помеѓу патничко возило „Опел Астра“ со тетовски регистарски ознаки, управувано од Т.И. (59) од Тетово и автобус „Ман“ со скопски регистарски ознаки, управуван од Ш.Д. (62) од Тетово.
Во несреќата животот го загубиле возачот и сопатниците И.И. (55) и З.М. (71) од Тетово, додека сопатникот Р.И. од Тетово се здобил со телесни повреди и ќе биде задржан на набљудување во Клиничката болница Тетово.
На местото на настанот се врши увид, кој го преземаат Јавен обвинител и Увидна екипа од Полициската станица Тетово.
