Вчера во 07:13 часот, во објект на поранешна фабрика на улицата „Карпалак“ во Прилеп, беше пријавено дека е пронајдено безживотно тело на 64-годишен маж од Прилеп, кој работел како обезбедување во стражарската куќичка.
Лекар од Итната медицинска помош констатирал смрт, а увид на местото извршила екипа од ОВР Прилеп.
Според првичните информации, на телото не биле забележани траги на насилство, а причините за смртта ќе бидат утврдени со понатамошна истрага.
