Балканската јавност повторно зборува за скандалот поврзан со поранешната државна секретарка Мирјана Пајковиќ, откако на интернет се појавија нови приватни снимки кои брзо почнаа да се шират на социјалните мрежи и на различни интернет-платформи.
Станува збор за продолжение на аферата која со месеци ја потресува Црна Гора и регионот, откако претходно во јавноста се појавија експлицитни видеа поврзани со високопозиционирани функционери. Скандалот предизвика силни политички реакции и на крајот доведе до оставки на неколку лица од државни функции.
Во центарот на аферата се најде токму Мирјана Пајковиќ, која во тој период ја извршуваше функцијата државна секретарка во Министерството за човекови и малцински права. Таа поднесе оставка откако интимни снимки почнаа да се шират на интернет, што предизвика голем јавен притисок и политички турбуленции.
Паралелно со нејзината оставка, функцијата ја напушти и поранешниот директор на Агенцијата за национална безбедност и советник на претседателот, Дејан Вукшиќ, со кого таа се поврзува во скандалот.
По објавувањето на снимките следуваа меѓусебни обвинувања, кривични пријави и тврдења за уцени и злоупотреба на приватни материјали. Иако дел од содржините и натаму се појавуваат на интернет, околностите под кои настанале и кој стои зад нивното објавување сè уште се предмет на истрага.
Случајот отвори и поширока дебата за заштитата на приватноста, злоупотребата на интимни материјали и политичките последици од ваквите скандали. Надлежните институции во Црна Гора продолжуваат да го разгледуваат случајот, додека јавноста внимателно го следи понатамошниот развој на настаните.
