За миг ги изгубила сопругот и двете внуки!
Сестрите Валентина (10) и Сара (6) од Ковиља, како и нивниот дедо Ѓорѓе Фириќ, за жал не го преживеаја падот на настрешницата на железничката станица во Нови Сад, а пред неколку дена беа погребани заедно со нивниот дедо.
Имено, во разговор за Република, Ѓорѓе Фириќ, таткото на девојчето, вели дека неговата мајка и сопруга не можеле да се справат со болката и тагата што владеела во семејниот дом. Ни кажа и дека бабата морала да оди кај сестра и, бидејќи сè во куќата ја потсетувало на внуците.
– Не знам како се држиме навистина, многу сме лоши. Мајка ми е во ужасна состојба, не може долго да остане овде во куќата, со сестра и е, кога доаѓа овде се онесвестува – изјавил Фириќ пред неколку дена и рекол само едно: „Изгубив се“.
Низ липање ни кажа и дека Итната помош морала да дежура на погребот на децата и дедото, бидејќи семејството не можело да ја поднесе болката што ги снашла.
– Тие две се лоши. Мајка ми и сопругата се соочуваат со огромна болка. Дваете се онесвестиле неколку пати – рече тој.
Потсетуваме, во вторникот на вечниот одмор беа испратени најмладите жртви на трагедијата која Нови Сад не ја памети. Малото девојче Валентина, Тина како што милувано ја нарекуваа, почина додека ја држеше за рака својата помлада сестра Сара. Спасувачите за медиумите изјавија дека најтрогателната сцена што ја виделе во петокот била прегратката на еден дедо со внуките под урнатините на бетонска конструкција тешка неколку стотици тони.
Дедото Ѓорѓе Фириќ кобниот ден ги однел внуците во Лозница кај друг дедо, но тројцата никогаш не стигнале на таа дестинација.