Најмалку 153 лица загинаа во поплавите и свлечиштата предизвикани од циклонот Дитва во Шри Ланка, додека 191 лице се води за исчезнато. Над половина милион жители се во опасност, објавија денеска локалните власти.
Според Центарот за управување со катастрофи, околу 78.000 луѓе се преместени во речиси 800 прифатни центри, најчесто сместени во училишта.
Илјадници полицајци, маринци и војници дистрибуираат храна до погодените, ги чистат патиштата и ги преместуваат ранливите семејства на безбедни локации.
Во градчето Малвана, сместено на околу 20 километри од Коломбо, 554 жители беа најтешко погодени од најлошата поплава во последните десет години. Повеќето од нив останаа без покрив над главата, без електрична енергија и вода.
Метеоролошката служба на Шри Ланка предупреди дека дождот ќе продолжи преку викендот, што дополнително ја зголемува опасноста од нови поплави во веќе загрозените области.
