Патриотско друштво организира Македонска вечер, на која ќе се соберат огромен број Македонци, кои ќе се забавуваат на македонска музика, а воедно ќе можат да бидат хумани и да донираат новогодишни пакетчиња, кои ќе завршат кај најмладите, за кои тоа би бил еден преубав гест.
Настанот ќе се одржи на 14.12, во сабота, со почеток од 20:30 часот во Летна Градина Ритуал во Трубарево.
Првично, капацитетот беше за 400 луѓе, но откако интересот беше огромен, тој број се зголеми на 700 луѓе. Интерес има и поголем, но можностите се тие.
На настанот ќе има македонска музика, а ќе настапат повеќе од 15-тина македонски изведувачи.
Влезот е бесплатен, пијачките и храната се бесплатни, а се што треба да направите е на влез да дојдете со новогодишно пакетче.
