Фудбалерите на Барселона чекаа, чекаа и дочекаа. Откако одиграа прв дел во кој беа резервирани и насочени кон одбивање на налетот на противникот, на стартот на продолжението гостинот на „Сантијаго Бернабеу“ дојде до двојна предност.
Младиот Касадо испрати перфектна топка низ средината кон Роберт Левандовски, левиот бек Менди „заспа“ и го остави Полјакот да не е во офсајд, па стигна казната. Голгетерот излета сам пред голот на Лунин и рутински пласира во мрежата за 0-1 во 54. минута.
За шокот на мадриѓани да биде поголем, Роберт Левандовски само три минути подоцна ја удвои предноста на својот тим.
Балде нафрли од левата страна, а полскиот напаѓач со глава стрела за 0-2.
ROBERT LEWANDOWSKI MAKES IT 1-0 FOR BARCELONA HOLD THAT REAL MADRIDDDDpic.twitter.com/VVPyhcdyR9
— 17 (@DxBruyneSZN) October 26, 2024