Застрашувачки вести пристигнуваат од Лондон.
Вест Хем преку социјалните мрежи ги извести навивачите и спортската јавност дека Мајкл Антонио имал сообраќајна несреќа.
Повеќе детали во моментов не се познати, но не навестува добро тоа што во објавата се наведува дека сите во клубот се во мисли и молитви со Антонио и неговото семејство.
На интернет брзо се проширија фотографии од уништеното Ферари, но не се знае дали сликите се автентични. Она што може да се прочита е дека центарфорот на „Чеканите“ со хеликоптер бил префрлен во болница од Епинг Форест во Есекс, каде што наводно се случила несреќата.
Недолго потоа, на молитвите за 34-годишниот фудбалер од Јамајка им се придружија и другите англиски клубови, пред се оние за кои играше робусниот центарфор: Ридинг, Шефилд Венсдеј, Нотингем Форест…
„Вест Хем може да потврди дека нашиот центарфор Мајкл Антонио денеска доживеа сообраќајна несреќа на пат. Сите ние во клубот размислуваме и се молиме со Мајкл, неговото семејство и пријателите. Клубот ќе продолжи да ја информира јавноста“, се вели во краткото соопштение на социјалните мрежи.
