Популарното квиз-шоу „Се или нешто“ што веќе со години го води Лила Филиповска важи за една од најгледаните емисии. Македонските гледачи обожаваат да гледаат како натпреварувачите се борат да освојат што поголема сума на пари, а многу пати се случува гостите да раскажат некоја интересна случка од нивните животи.
Квиз шоуто „Се или нешто“ долги години се емитува на малите екрани, а верните и бројни гледачи на популарната игра со банкарот, може да уживаат во доста интересни епизоди и натпреварувачи. Така беше и вечерва.
Александар од Битола уште од самиот почеток тврдеше дека милионот се наоѓа во бројот 3. Сепак, Александар немаше храброст да оди до крај и се откажа во претпоследната рунда, односно ја прифати понудата на банкарот од 120.000 денари.
Александар во продолжение ја остави тројката за крај и токму таму беше милионот. Дефинитивно една од поинтересните емисии во новата сезона на „Се или нешто“.
