Агим Јонуз беше еден од најпознатите македонски новинари, политички аналитичари и колумнисти, човек со остар ум, директен говор и длабока љубов кон својата татковина. Роден и воспитан во Скопје, тој важеше за еден од најимпресивните јавни говорници, секогаш подготвен да ги предизвика слушателите со искрените и храбрите ставови.
Својата кариера ја започна во новинарството, но со текот на годините се истакна и како аналитичар кој разбира и политичките и човечките аспекти на секоја ситуација. Работеше како портпарол во Собранието на Македонија во времето на претседателот Љубчо Јордановски, а подоцна беше и советник на поранешниот премиер Владо Бучковски.
Јонуз остави силен печат во јавниот дискурс со својот препознатлив стил. Неговите колумни секогаш привлекуваа внимание, комбинирајќи критика, хумор и мудрост. Често потенцираше дека Македонија може да опстане само ако луѓето се стремат кон разбирање, а не кон поделби.
Во јавноста беше ценет како човек што зборува директно, без политички калкулации. И на телевизиските дебати, неговата искреност беше неприкосновена – разобличуваше манипулации и лицемерие кај политичарите, без разлика од која партија потекнуваат.
Во последните години активно се вклучи и во политиката преку „Твоја партија“, промовирајќи идеја за општество кое вреднува достоинство, култура и дијалог.
Агим Јонуз почина, оставајќи зад себе богатство од текстови, изјави и спомени што сведочат за неговата страст, енергија и непоколеблива љубов кон Македонија и нејзините луѓе.
Една од неговите легендарни изјави, која долго ќе се прераскажува:
Кога ќе правиш список на луѓе и пријатели во животот, пишувај со молив, а не се пенкало – за да можеш да ги бришеш!
