На 28-ми ноември беше последниот рок за исплата на средствата од „Мој ДДВ“, а голем дел од граѓаните на земјава, не ги добија своите средства.
Ова се случува за првпат од воведувањето на оваа мерка, која е една од ретките кои директно враќа средства кај граѓаните.
Се работи за редовниот поврат за последниот пресметковен период (јули, август и септември) кој пристигнува на трансакциските сметки за скенирање на фискални сметки.
Во минатото, средствата беа исплаќани најдоцна до 10-ти во месецот. По доаѓањето на актуелната влада на ВМРО-ДПМНЕ, тој рок се продолжи до крај на месецот.
Но, заклучно со вчера, кој е последен ден од работната недела, тој рок ќе се пробие.
Не е сигурно дали воопшто ќе се исплатат средствата од понеделник, 1 декември.
