Екипата на Башкими од Куманово, по цели 16 години, повторно се врати во Првата македонска фудбалска лига, откако во бараж пресметката триумфираше со 2-0 против досегашниот прволигаш Беса.
Последен пат Башкими, кој е и освојувач на Купот на Македонија од 2005 година, во Првата македонска фудбалска лига играше во сезоната 2008/09 кога се откажа поради финансиски проблеми. Сега повторно се враќа во елитата.
Во баражот кој се играше во Кавадарци, Башкими сосема заслужено триумфираше со по еден гол во двете полувремиња. Саити најпрво погоди во 37. минута за водство од 1-0 на кумановци, а потоа во 80. минута Алексовски заокружи за конечни 2-0.
