Вечерва вознемирувачка вест во Македонија: Повредени се тројца полицајци, од вкупно 4 лица во тешка сообраќајна несреќа

3415

Четири лица, од кои тројца полициски службеници се повредени во сообраќајна незгода што вечерва се случила на магистралниот пат Охрид – Струга, кај крстосницата за струшкото село Мислешево, потврди за МИА портпаролот на СВР Охрид Стефан Димоски.

Според него, незгодата се случила во 17 часот и 33 минути меѓу патнички моторни возила „Форд“ со скопски регистарски ознаки, сопственост на МВР и „Опел“ со струшки регистарски ознаки, сопственост на М.А.(52) од Струга.

– Во незгодата со телесни повреди се здобил возачот на опелот, констатирани во Медицинскиот центар Струга. Патниците во полициското возило, Д.П.(29) и Д.К.(28), двајцата од Скопје и Д.Ј.(31) од Куманово, се префрлени во болницата „Св.Еразмо“ во Охрид за укажување лекарска помош. За карактерот на нивните повреди ќе следува дополнителна информација, изјави Димоски.

Увид на местото на незгодата вршат полициски екипи.

Претходна вестДраматична сцена во Скопје: Киднапирано едно лице – полицијата на терен
Следна вестДоста и беше од колеги: Рада Манојловиќ има дечко спортист – никој не можеше да поверува за кого се работи