Пејачот и поранешен учесник на музичкиот натпревар „Ѕвезде Гранда“ Немања Вуковиќ (23) загина синоќа во страшна несреќа кај Добановац, откако во него удрил автобус и го усмртил на лице место.
Имено, како што откри извор близок до истрагата, Немања трагично загинал откако се обидел да го претрчи автопатот по несреќата што ја доживеал.
– Немања имал сообраќајна незгода додека возел, имено, најверојатно поради дефект на гума, пејачот изгубил контрола и удрил во банкина. Поради тоа излегол на коловозот каде забележал како летаат пластични делови од автомобилот, а набрзо доаѓа до судир на два автомобили кои немаат врска со возилото на Немања. Младиот пејач излегува од автомобилот за да види што се случило, а преку патот на другата лента е полицаец кој му вели да остане со своето возило, додека не ја провери состојбата на возачите во другите две возила, кои се судриле само неколку моменти порано – вели нашиот извор близок до истрагата.
Иако истражниот полицаец го предупредил да не мрднува од возилото, младиот пејач од засега неутврдени причини се обидел да претрча преку автопатот.
– Пејачот во следниот момент, не слушајќи што му кажува полицаецот, од непознати причини се обидел да го претрчи автопатот кога на него налетал автобус и го усмртил на лице место – раскажува изворот за Телеграф и додава:
– Останатите двајца возачи се сослушани во станица, а против еден од нив, кој е државјанин на Украина, ќе биде поднесена кривична пријава – открива изворот.
Инаку, за страшната несреќа е известено и надлежното обвинителство, по што е наредена обдукција на телото и сите други дополнителни вештачења кои ќе помогнат во истрагата.
– За случајот со смртта на младиот пејач е известено надлежното обвинителство кое нареди обдукција, како и сите дополнителни вештачења – вели изворот.
