Победата на Трамп предизвика раст на американските берзи, на доларот, но и на крипто валутите.
Најпознатата крипто валута биткоин порасна за 39% во однос на јуни, а вчера достигна рекордна вредност од историјата од 89.000 долари.
Оние што имаат биткоини може да слават и треба да почестат. Еден меѓу нив е и македонски функционер, директорот на затворската Управа за извршување на санкции, Александар Пандов.
Тој во имотниот лист доставен до ДКСК пријавил дека има 10 биткоини, а во време на пријавувањето ги проценил на 600.000 евра односно 60 илјади евра (63,7 илјади долари) по парче.
Но според новата цена по американските избори, сега неговите 10 биткоини вредат повеќе и според берзанската цена, Пандов во дигиталната валута има 89.000 долари (околу 83.840 евра). Заработката на директорот на македонските затвори од биткоини за помалку од 5 месеци е 23.840 евра.