Политичката партија „Десна“ се реорганизира. Откако нивниот претседател упчо Палевски – Палчо, беше обвинет за двојното убиство на Вања и Панче, партијата за момент целосно стагнираше.
Сепак, после нешто повеќе од еден месец, од партијата се огласија и посочија дека нивниот претседател Љупчо Палевски е разрешен, а веќе има и негов заменик.
На местото од Палевски, како претседател на партијата сега е избран Тони Алексовски, тој заедно со Палевски е меѓу основачите на партијата.
Од премиерот и министерот за внарешни работи имаше неофицијални повици за укинување на партијата, сепак се уште нема иницијатива за такво нешто. Од партијата ова го сметаат како закана.
„Десна цврсто и решително продолжува по промакедонскиот курс, преку спроведување на редовните партиски активности, во прв ред борбата за зачувување на името и статутот на МПЦ – ОА, иницијативата за Референдум за раскинување на штетниот антимакеонски Договор за пријателство, добрососедство и соработка меѓу Република Македонија и Република Бугарија, како и подготовка за претседателските и парламентарни избори“, велат за Сител од партијата Десна.
