Во моментот сите ракометни очи се вперени кон Германија, каде се одржува ракометното Европско првенство, на кое учесник е и Македонија. Вчера, нашата репрезентација загуби убедливо од домаќинот, но нашите навивачи имале друг, поголем проблем.
Голем скандал бил предизвикан од страна на домаќинот – организаторот на Европското ракометно првенство на вчерашниот натпревар помеѓу Германија и Македонија. Тоа може да се разбере од навивачите, кои открија дека обезбедувањето на влезот во салата во Берлин детално ги проверувале и им ги одземале сите реквизити на кои го имало Македонскиот национален симбол со 16-краката ѕвездата од Кутлеш.
Голем број на навивачи синоќа реагираа за овој инцидент на социјалните мрежи, а еден од најверните, кој речиси и не пропушти натпревар на Македонија, Наце Митев, испрати порака до Германците: „Немате толку обезбедување, колку што имаме ние знамиња“.
И покрај забраната, во Берлин знамето го имаше на голем повеќе места на трибините.