Страв и паника кај населението, откако силен земјотрес ги вознемирил и оставил без сон.
Како што јавуваат медиумите во Грција, земјотрес со јачина од 4,8 степени, ова утро беше регистриран во источниот дел на грчкиот полуостров Пелопонез, според официјалните податоци од Геодинамичкиот институт.
Епицентарот бил точно во морскиот дел североисточно од градот Леонидио, додека пак земјотресот е почувствуван дури и во Атина. До овој момент, нема информации за повредени или можна предизвикана материјална штета.
Ефтимиос Лекас , професор и претседател на Организацијата за планирање и заштита од земјотреси, за медиумите во Грција рече дека е сè уште рано да се каже дали е главниот земјотрес.